१५ वर्षीया बालिकालाई अपहरण गरी शरीर बन्धक बनाएको आरोपमा अग्नीसाइर कृष्णसवरन गाउँपालिका–१ का २५ वर्षीय मो. सतारविरूद्ध जिल्ला प्रहरी कार्यालयमा भदौ ३० गते उजुरी दर्ता गरिएको छ ।
पीडितकी आमाले दिएको उजुरीका आधारमा आरोपितविरूद्ध अपहरण तथा शरीर बन्धकको उजुरी दर्ता गरी आरोपितको खोजी कार्य भइरहेको जिल्ला प्रहरी कार्यालयका एसपी राजेन्द्र विष्टले बताए ।
पीडितलाई आरोपितले भदौ ६ गते ललाईफकाई अपहरण गरी शरीर बन्धक बनाएको पीडितकी आमाले आरोप लगाएकी छन् ।
आरोपित सतारकी २१ वर्षीया जेठी पत्नी मनिषा खातुनले उनका पति सतारले भदौ ६ गते २१ वर्षीया मदिना खातुनसँग बहुविवाह गरेको भन्दै जिल्ला प्रहरी कार्यालयमा भदौ ३१ गते बहुविवाहको उजुरी दर्ता गराएकी छिन् ।