अनौपचारिक क्षेत्र सेवा केन्द्र (इन्सेक) बागमती प्रदेश कार्यालयको आयोजनामा मानव अधिकार रक्षकहरूका लागी हेटौंडामा ०८२ मङ्सिर २१ गते क्षमता अभिवृद्धि तालिम सुरु भएको छ ।
कार्यक्रममा इन्सेक बागमती प्रदेश संयोजक शिव प्रसाद खकुरेलले मानव अधिकार रक्षकहरुसँग भएको ज्ञान, सिप, क्षमता र धारणालाई परिकृत गर्दै लैजानका निम्ति मानव अधिकार रक्षकहरुका लागि क्षमता अभिवृद्धि तालिम अपरिहार्य रहेको बताउनु भयो ।
उहाँले नेपालले अन्तर्राष्ट्रिय सन्धी तथा मञ्चहरु मार्फत गरेका प्रतिबद्धताहरु पूरा गर्नका लागि राज्यलाई सहयोग पुर्याउने दायित्व आँैल्याउदै संगिठत आवाज मार्फत राज्यलाई खबरदारी र जबाफदेही बनाउन सकिने बताउनु भयो । साथै, मानव अधिकारको संरक्षण र प्रवद्र्धनका निम्ति मानव अधिकार शिक्षा कार्यक्रम सञ्चालन गर्न तीन तहका सरकारले नै पर्याप्त बजेट विनियोजन गर्न आवश्यक रहेको बताउनु भयो ।
बागमती प्रदेश स्तरीय मानव अधिकार रक्षक सञ्जालमा सचिव सरिता दाहालले उक्त तालित मार्फत आगामी दिनमा सञ्जालले गर्ने कार्यक्रम र अभियानहरुमा सहजता हुने बताउनु भयो ।
कार्यक्रममा स्वागत मन्तव्यका क्रममा इन्सेक सिन्धुपाल्चोक प्रतिनिधि नातीबाबु धितालले मानव अधिकार रक्षक सञ्जाल मार्फत बागमती प्रदेशमा मानव अधिकार अभियानले थप गति लिनेमा विश्वस्त रहेको बताउनु भयो ।
कार्यक्रममा उच्च अदालत इजलास, हेटाैँडा नेपाल बार एशोशिएसनका अध्यक्ष मन प्रसाद भट्टराईले एसियाका दिप भगवान गौतम वृद्ध मानव अधिकार अभियानमा एसियाका अग्रणी अधिकारकर्मी रहेको बताउदै वृद्धले दिएको शान्ती, समानता र अहिंसाको मार्गदर्शन अनुरुप नेपाललाई शान्ती क्षेत्रका रुपमा स्थापित गर्नुपर्ने बताउनु भयो ।
उहाँले मानव अधिकारको विषयलाई मानव अधिकार रक्षकहरुले परिवार तहसम्म आन्तरिकीकरण गरी परिवारबाटै संयमित वातारण बनाउनुपर्ने बताउनु भयो ।
गैरसरकारी संस्था महासंघ नेपाल बागमती प्रदेश अध्यक्ष कमलकुमार विश्वकर्माले दलित समुदायको मानव अधिकारको अवस्था तथा जातीय भेदभाव र छुवाछुत (कसुर तथा सजाय) ऐनका सम्बन्धमा प्रस्तुतीकरण गर्नु भयो ।
प्रस्तुतीकरणका क्रममा उहाँले नागरिकहरुलाई अधिकार बारे सुसूचित र परिस्कृत हुँदै मानव अधिकारका विविध आयामहरुमा अवधारणागत स्पष्टताको आवश्यकतालाई जोड दिनु भयो ।
कार्यक्रममा अधिवक्ता अप्सरा बस्नेतले मानव अधिकार तथा महिला अधिकारका विषयमा विस्तृत प्रस्तुतीकरण दिँदै समानुभूति, समान ज्याला, समान मूल्यांकन, समान सहभागिता, महिला हिंसाको अन्त्य तथा गैरपक्षपाती व्यवहारजस्ता विषयमा प्रकाश पार्नु भयो ।
राष्ट्रि«य मानव अधिकार आयोगका मानव अधिकार अधिकृत नन्द किशोर सिंहले आर्थिक, सामाजिक र साँस्कृतिक अधिकारका विषयमा सहजिकरण गर्नु भयो ।
त्यस्तै, सिविन बागमती प्रदेशका संयोजक झबिन्द्र ज्ञवालीले डिजिटल भ्वाइलेन्स र बाल–यौन दुव्र्यवहारको विषयमा सहजिकरण गर्नु भयो ।
इन्सेक प्रलेख अधिकृत बरुण बस्याले वातावरणीय अधिकार, जलवायु न्याय र मानव अधिकारका विषयमा प्रस्तुतीकरण गर्दै कार्यक्रमको संचालन र सहजिकरण गर्नु भएको हो ।
