अनौपचारिक क्षेत्र सेवा केन्द्र (इन्सेक) गण्डकी प्रदेश कार्यालय मार्फत मादी गाउँपालिकाको सीताराम माविमा २०८० असोज १८ गते बाल अधिकार समूह पुर्नगठन तथा समूह परिचालनको लागि कोष हस्तान्तरण सम्पन्न गरिएको छ ।
विद्यालयका प्रधानाध्यापक तारा अधिकारी तथा बाल अधिकार समूहका अध्यक्ष सुनिश्चित गुरुङको उपस्थितिमा समूह पुर्नगठन गरिएको छ । नवगठित समूहमा अध्यक्षमा कक्षा ९ की सरुदेवी गुरुङ, उपाध्यक्षमा संचिता परियार, सचिवमा एरिका रानाभाट, सह–सचिवमा दिपेश गुरुङ, कोषाध्यमा शुसिला परियार चयन हुनुभएको छ । १५ जना सदस्य तथा चार जना सल्लाहाकार तथा एक जना संरक्षक शिक्षक सहित २५ जना को समूह गठन भएको छ ।
समूह पुर्नगठनका साथै विद्यालयका प्रधानाध्यापक तथा अध्यक्षको उपस्थितिमा इन्सेक कास्की सहजकर्ता सुष्मा आचार्य अधिकारी मार्फत ३५ सय रुपियाँ विद्यालयलको बालअधिकार समूह परिचालन कोषका लागि हस्तान्तरण गर्नुभएको थियो ।
विद्यालयमा बालअधिकार समूहले वातावरण सरक्षणका लागि फोहोरमैला व्यवस्थापन गर्ने, बालबिवाह तथा बालहिंसा तथा यौन दुव्र्यवहारसम्बन्धी जनचेतनामुलक कार्यक्रम गर्ने, देउसी भैलो कार्यक्रम गर्ने, सडक नाटक गर्ने, तथा स्थानिय तह र विद्यालयमा बालअधिकारका सवालमा मागदाबी गर्ने जस्ता कार्य गर्ने निर्णय गरिएको सहजकर्ता सुस्मा आचार्य अधिकारीले बताउनुभयो ।
