“सबै बालबालिकाको विद्यालयमा सहभागिता, गुणस्तरीय शिक्षाको सुनिश्चिता” तथा “गुणस्तरीय, सिपमुलक तथा व्यहारिक शिक्षा हाम्रो प्रतिबद्वता” भन्ने मूल नाराका साथ विद्यार्थी भर्ना अभियान अन्तरगत घरदैलो कार्यक्रमको आयोजना गरिएको छ ।
अनौपचारिक क्षेत्र सेवा केन्द्र (इन्सेक) द्वारा शम्भुनाथ नगरपालिकामा गठित नगरस्तरीय मानव अधिकार समूहको समन्वय र शम्भुनाथ नगरपालिकाको आयोजनामा उक्त कार्यक्रम वैशाख ३० गते देखि जेठ १ गते सम्ममा सम्पन्न गरिएको हो ।
सो कार्यक्रमका लागि मानव अधिकार समूहले वैशाख १६ गते शम्भुनाथ नगरपालिकास्थित शिक्षा शाखा प्रमुखलाई ध्यानाकर्षण गराएका थिए ।
विद्यार्थी भर्ना अभियान श्री जनता राम दयाल माध्यमिक विद्यालय शम्भुनाथ नगरपालिका-३ र श्री जनता माध्यमिक विद्यालय शम्भुनाथ नगरपालिका-१० ले आआफ्ना वडामा रहेका दलित तथा विपन्न समुदायलाई विद्यालय शिक्षमा पहुँचका लागि सो समुदाय तथा वर्गलाइ लक्षित गरेर प्रभातफेरी र घरदैलो कार्यक्रमको आयोजना गरेका हुन् ।
मधेश प्रदेश स्तरीय मानव अधिकार समूहका अध्यक्ष देवीमाया भट्टराई, सदस्य शङ्कर साह, इन्सेक सप्तरी सहजकर्ता अजय परियार लगायतको सहभागितामा विद्यार्थी भर्ना अभियान सम्पन्नता भएको हो ।
