इन्सेक कर्णाली प्रदेश कार्यालय सुर्खेतको आयोजनामा बाल अधिकार चेतना समूहका सदस्यहरूका लागि दुईदिने क्षमता अभिवृद्धि तालिम असोज ११ गतेदेखि वीरेन्द्रनगरमा सुरू भएको छ ।
तालिमको उदघाट्न गर्दै इन्सेक कर्णाली प्रदेश कार्यालय सुर्खेतका संयोजक नारायण सुवेदीले बालबालिकाहरूले आप्mनो अधिकारको माग गर्दा कर्तव्यलाई भुल्न नहुने बताए । संयोजक सुवेदीले बाल अधिकारको सुनिश्चितताका लागि इन्सेकले मुलुकभर विभिन्न कार्यक्रम सञ्चालन गरेको पनि जानकारी दिए ।
तालिममा अधिवक्ता गीता कोइरालाले मानव अधिकार, नेपालको संविधानमा शिक्षाको अधिकार, संयोजक सुवेदीले इन्सेक अभियान र मानव अधिकार, उपप्रध्यापक युवराज शर्माले भित्तेपत्रिका प्रकाशन, वीरेन्द्रनगर नपाका उपप्रमुख मोहनमाया ढकालले बाल अधिकार प्रवर्र्धनमा स्थानीय निकायको भूमिका, अधिकारकर्मी रमा भण्डारीले बालमैत्री विद्यालय र दण्डरहित शिक्षा, इन्सेक जिल्ला प्रतिनिधि अम्मर सुनारले बाल न्याय र बालमनोविज्ञान तथा फोकल पर्सन दुर्गा थापाले समस्याको पहिचान र वार्षिक कार्ययोजना निर्माण विषयमा सहजीकरण गर्ने संयोजक सुवेदीले बताए ।
इएलपी कार्यक्रम अन्र्तगत गुर्भाकोट नपा–१, २, ४, ५ र ९ का चार ओटा सामुदायिक विद्यालयमा गठित बाल अधिकार चेतना समूहका सदस्य, युवा समूहका सदस्य र संरक्षक शिक्षक समेत तालिममा ३० जनाको सहभागिता रहेको छ ।
दुर्गा थापा