नागरिक समाज र सञ्चार जगतका लागि पैरवीका विषयहरू धेरै भएकोले यसलाई सामूहिक रूपमा पैरवीमा सहभागी हुनु पर्नेमा नागरिक समाजका अगुवाहरूले जोड दिएका छन् ।
FHI360 र USAID को साझेदारीमा अनौपचारिक क्षेत्र सेवा केन्द्र (इन्सेक) को आयोजनामा गरेको पारस्परिक जबाफदेहिता परियोजना अन्तर्गत विकासका लागि नागरिक समाज र सञ्चारजगतबिच सहकार्य विषयक अन्तरक्रिया कार्यक्रममा सहभागी नागरिक अगुवाहरूले धादिङबेसीमा आयोजित कार्यक्रममा पुस ३ गते यस्तो कुरा बताएका हुन् ।
कार्गक्रममा गैरसरकारी संस्था महासङ्घका प्रदेश ३ का अध्यक्ष दामोदर अर्यालले बालबालिकाको पढ्न पाउने अधिकार दिन दिनै हनन् भइरहेकोले सरकारले समेत ध्यान जानेगरि समाचार प्रकाशन प्रसारण गर्न सञ्चारकर्मीहरूलाई आग्रह गरे ।
गैरसरकारी संस्था महासङ्घ धादिङका अध्यक्ष एक राज छत्कुलीले नागरिक समाज चेपुवामा परेकोले नियमित सम्वाद गर्दै साझेदारीमा पैरवीका काम गर्नु पर्नेमा जोड दिए ।
नेपाल पत्रकार महासङ्घका सचिव राजाराम शर्माले नेपालमा नागरिक समाजको भूमिका कमजोर हुँदै हुँदा नागरिक समाज र पत्रकार चेपुवामा परेको बताए । नागरिक आवाज सुनिश्चितताका लागि मिडिया र नागरिक समाज सँगसँगै पैरवी गर्नुपर्नेमा जोड दिए ।
पत्रकारिता समाजको ऐना हो, सममजमा भएका गलत क्रियाकलापलाई निरूत्साहित गर्न र सकारात्मक दिशामा लैजानु पत्रकारिताको धर्म हो ।
यसमा नागरपक समाज सूचनाको श्रोत बन्ने र नागरिक समाज र मिडियाको गन्तव्य एउटै भएकोले साझेदारीमा पैरवी सम्भव हुने धारण व्यक्त गरे ।
गैसस महासङघका सचिव शालिकराम दुवाडीले सञ्चार क्षेत्रले राम्रो काममा साझेदारी र सुधार गर्नु पर्ने कुरामा खबरदारी गर्नु पर्ने बताए ।
अपाङ्ग महासङ्घका सदस्य गुणराज खतिवडाले जिल्लामा पैरवीको काम नियमित गर्नु पर्ने भएकोले स्थानीय सरकारलाई अपाङ्गमैत्री संरचनामा जोड दिँदै सरकारहरूले सहायक सामग्री स्थानीय सरकारले निःशुल्क उपलब्ध गराउनु पर्ने माग गरे ।
ट्रान्सपरेन्सी इन्टरनेशनलका सानुबाबु तिमिल्सिनाले भूकम्प पीडिको समस्या समाधान नभएको, ज्वालामूखी गाउँपालिका–१ मा मात्र अझै ४ सय ३३ परिवारको सम्बोधन नभएकोले यसको पैरवी गर्न आग्रह गरे ।
दलित सेवा सङ्घका अध्यक्ष श्याम मगरातीले स्थानीय सरकारहरूले नागरिक समाजलाई बेवास्ता गरेको आरोप लगाए ।
कार्यक्रममा यस अघिका छलफलमा आएका विषयमा समेत छलफल भएको थियो । गाडीभाडा समायोजन, बधशाला निर्माण, अपाङ्गता लगायतकाहरूको समस्यामा ध्यानाकर्षण, स्थानीय सरकारहरू शुशासन नीति बनाउन प्रतिवद्ध भएकोले एकतापूर्ण नागरिक समाजको आवस्यकता हेको डेक नेपालका शेरबहादुर भण्डारीले बताए ।
