अनौपचारिक क्षेत्र सेवा केन्द्र (इन्सेक) मधेस प्रदेश कार्यालयले समूहिक बलात्कार घटनाकी पीडित २५ वर्षीया महिलालाई ०८१ मङ्सिर २९ गते १० हजार रुपियाँ आर्थिक सहयोग प्रदान गरेको छ ।
पीडित महिलालाई ०८१ मङ्सिर १३ गते कविलासी नगरपालिका-७ सिरसियाका २४ वर्षीय विजय राय र २५ वर्षीय विजय चौधरीले सामूहिक बलात्कार गरेको आरोपमा पीडित पक्षले इलाका प्रहरी कार्यालय हरिपुरमा मङ्सिर १६ गते उजुरी दिएका थिए ।
पीडित महिलाको स्वास्थ्य परीक्षण मङ्सिर १७ गते जिल्ला अस्पताल मलंगवामा भएको थियो ।
आरोपित यादव र चौधरी हालसम्म फरार रहेकोले खोजतलास गरिरहेको इलाका प्रहरी कार्यालय हरिपुरका इन्स्पेक्टर रोमन राज अर्यालले जानकारी दिनु भयो ।
पीडितको आर्थिक अवस्था कमजोर रहेको र न्यायीक प्रक्रियामा सहयोग पुग्ने उद्देश्यले आर्थिक सहायता प्रदान गरेको इन्सेक मधेस प्रदेश प्रदेश संयोजक राजु पासवानले बताउनु भयो