इन्सेकसंग आवद्ध मानव अधिकार समूह मायाँदेवीको आयोजना तथा मायाँदेवी गाउँपालिकाको सहयोगमा वातावरणको अधिकार सम्बन्धी कार्यशाला गोष्ठी पुस २६ गते सम्पन्न भएको छ ।
कार्याशाला गोष्ठिमा गाउँपालिकाका अध्यक्ष वलिउद्धिन मुसलमानले वातावरणको सङ्रक्षण गर्न सबै सरोकारवालाहरूको साथ सहयोगको आवश्यकता रहेको बताउनु भयो । गाउँपालिकालाई सौन्दर्य र समृद्ध गाउँपालिका बनाउन गाउँपालिका प्रतिवद्ध रहेको बताउँदै स्थानीय तहलाई खबरदारी गर्दै वातावरण सङ्क्षण गर्नु सबैको दायित्व भएकोले बताउनु भयो ।
शिक्षामा सुधार ल्याउन शिक्षक, विद्यार्थी, अभिभावक र विद्यालय व्यवस्थापन समिती जागरुक हुनुपर्नेमा जोडदिनुभयो मुसलमानले जोड दिनु भयो ।
मानव अधिकार समूह र बाल अधिकार चेतना समूहले गाउँपालिकाका विभिन्न समस्याहरूलाई पहिचान गरी सचेतना जगाउने र समस्याको समाधान गर्ने कार्य महत्वपूर्ण भएको उहाँले भन्नु भयो ।
यस्तै स्वास्थ्य शाखा प्रमुख महेन्द्रप्रसाद यादवले सम्पूर्ण स्वास्थ्य चौकीहरुमा औषधी व्यवस्थापनको लागि टेण्डर प्रक्रियाबाट औषधिहरुको व्यवस्थापन गरिएको बताउनु भयो ।
कार्यक्रममा प्रदेश स्तरिय बाल अधिकार सञ्जालका अध्यक्ष राजकुमार धोवीले वातावरण र सरसफाईमा स्थानिय सरकारले बिशेष ध्यान दिनुपर्नेमा जोड दिनुभयो ।
मानव अधिकार समूहका सचिव सुन्दरी चौहानले सरकारले निशुल्क दिने औषधीहरु पूर्ण रुपमा स्वास्थ्य चौकीहरुमा नभएको विषयमा स्वास्थ्य शाखा प्रमुखको ध्यानाकर्षण गराउनु भयो ।