अनौपचारिक क्षेत्र सेवा केन्द्र (इन्सेक) कर्णाली प्रदेशको सहयोगमा इन्सेकको इएलपी कार्यक्रम अन्तर्गत गठित जनज्योति बाल अधिकार समूह परिचालनका लागि मङ्सिर २८ गते तीन हजार पाँच सय रुपियाँ हस्तान्तरण गरिएको छ ।
बाल अधिकार चेतना समूहले बाल अधिकार सवालमा तयार पारेको कार्ययोजनालाई सामुदाय र विद्यलायमा प्रभावकारी कार्यान्वयनमा सहयोग पुर्याउनको लागि कोष हस्तान्तरण गरिएको हो ।
इन्सेक सुर्खेत जिल्ला सहजकर्ता ललिता विश्वकर्माले बराहताल गाउँपालिका –५ स्थित जनज्योति माध्यामिक विद्यालयका सहायक प्रधानाध्यापक कमलराज आचार्यलाई हस्तान्त्रण गर्नुभएको हो ।
हस्तान्तरण कार्यक्रममा बाल अधिकार समूहका अध्यक्ष सनिल सिंह सुनार, उपाध्यक्ष अस्मिता कँडेल, सचिव सुमन बिक, समूहका सदस्य दिपेश मिजार, नितिशा ढकाल, पूजा सुवेदी, लक्ष्मी विक, याम दीप पुलामी मगर र सोही विद्यालयका लेखापाल प्रेम सिजापति, बालअधिकार समूह संरक्षक शिक्षक नारायण विक्रम जिसीको उपस्थिति रहेको थियो । उक्त रकमले बाल अधिकार समुहको संस्थागत विकासमा सहयोग पुग्ने सहायक प्रध्यानाध्यापक आचार्यले बताउनुभयो ।
