अनौपचारिक क्षेत्र सेवा केन्द्र (इन्सेक) द्धारा सञ्चालित “स्थानीय समुदायलाई सचेत पार्दै जिम्मेवार निकायलाई जबाफदेही बनाउने (इएलपी) परियोजना अन्र्तगतको खाद्य अधिकारका सम्बन्धमा माघ २३ गते सरोकारवाहरूसँग छलफल कार्यक्रम सम्पन्न भएको छ ।
छलफल कार्यक्रममा अर्जुनधारा नगरपालिकाका मेयर हरिकुमार रानाले शिक्षा,स्वास्थ्य तथा खाद्य अधिकारका विषयमा इन्सेकसँग सहकार्य गरी अधिकारका क्षेत्रमा कार्य गर्न तयार भएको बताउनुभयो । उहाँले इन्सेकले संविधानमा मौलिक हकका रुपमा व्यवस्था गरिएका शिक्षा,स्वास्थ्य,खाद्य तथा आवासको हकलाई नागरिक सम्म पुर्याउन थालेको परियोजनालाई नगरपालिकाले सहयोग गर्ने बताउनुभयो ।
इन्सेकले सेवाग्राहीलाई सचेतना ल्याउने कार्यक्रम ल्याएकाले नगरपालिकाले इन्सेक गर्न सहकार्य गर्न लागेको बताउनुभयो । मेयर रानाले इन्सेकले अधिकारका क्षेत्रमा काम गरी पहिचान बनाएकाले आफूले पनि शिक्षा,स्वास्थ्य,खाद्य तथा आवासको अधिकारलाई स्थापित गर्न इन्सेकसँग सहकार्य गर्न लागेको बताउनुभयो ।
छलफल कार्यक्रममा खाद्य प्रविधि तथा गुण नियन्त्रण डिभिजन कार्यालयका भद्रपुरका प्रमुख भरतबहादर पुरीले खाद्यका कारण मानिसमा विभिन्न रोग लाग्ने भएकोले सचेत रहनु पर्ने बताउनुभयो । खाद्य स्वच्छ नहँदा तत्कालीन र दिर्घकालीन असर पर्ने भएकोले स्थानीय तहले खाद्य सुरक्षाका लागि सचेतनमूलक कार्यक्रममा ल्याउनु पर्नेमा जोड दिनु भयो । पुरीले दुई सय भन्दा बढी रोग खाद्य पदार्थका कारणले लाग्ने भन्दै सचेत हुनु पर्ने बताउनु भयो ।
पशुपंक्षी , मस्त्य तथा कछुवा शाखाका अर्जुनधाराका प्रमुख पदमलाल राईले मासु जन्य पशुपंक्षीका कारण खाद्यमा आउने समस्यालाई मध्यनजर गरेर सहकारीलाई सचेतना तालिम दिने योजना रहेको बताउनु भयो ।
कृषि शाखाका प्रतिनिधि मीना अधिकारीले कृषकलाई जैविक विषादी प्रयोग गरी किटनाशक विषादीको अन्त्य गर्न कार्यक्रम गर्ने बताउनु भयो ।
मानव अधिकार समूह अर्जुनधाराका अध्यक्ष चन्द्रप्रसाद सुवेदीले नगरपालिकाले जनाताको स्वच्छ खाद्यको अधिकार सुनिश्चित गर्नुपर्नेमा जोड दिनुभयो ।
