कलैया उपमहानगर पालिका–१० मटिअर्वा बस्ने २३ वर्षीय पत्नी साहिना खातुनलाई हत्या गरेको आरोपमा पति ३५ वर्षीया बच्चा मियाँलाई प्रहरीले असार १८ गते गिरफ्तार गरेको छ ।
आरोपितले खातुनलाई असार १८ गते दिउँसो घरायसी विवादका क्रममा धारिलो हतियार दाबले टाउको र गर्दनमा प्रहार गरी हत्या गरेका थिए ।
घटना लगत्तै जिल्ला प्रहरी कार्यालय बाराका एसपी सन्तोष तामाङको टोली घटनामा स्थल पुगेको थियो । प्रारम्भिक अनुसन्धानपछि आरोपित मियाँलाई गिरफ्तार गरी घटनाको अनुसन्धान भइरहेको एसपी तामाङले जानकारी गराउनु भएको छ ।
आरोपित मियाँविरुद्ध माइती पक्षले असार १८ गते जिल्ला प्रहरी कार्यालयमा उजुरी दिएका छन् । शवको पोस्टमार्टम कलैया अस्पतालमा असार १९ गते गरिएको छ । माइती पक्षले शव बुझेको जिल्ला प्रहरी कार्यालयले जनाएको छ ।