जानकी गाउँपाकिा–९ अमरावतीकी ८० वर्षीया बृद्धा मातादेवी शाहीको अपरिचित व्याक्तिले धारिलो हतियार प्रहार गरी ०८२ असार १७ गते हत्या गरेको अवस्थामा शव फेला परेको छ ।
मृतकका छोराबुहारी घरमा नभएको अवस्थामा एक्लै घरमा बसेको अवस्थामा धारिलो हतियार बृद्धाको छाती र टाउँकोमा प्रहार गरी हत्या गरेको अवस्थामा शव फेला परेको भए पनि हत्या किन ? र कस्ले ? गरेको हो अहिलेसम्म पत्ता नलागेको जानकी गाउँपालिका वडा नम्बर ९ का वडाध्यक्ष खगेन्द्र भण्डारीले इन्सेक प्रतिनिधिसँगको फोन सम्पर्कमा बताउनु भयो ।
बृद्धाको हत्या भएको भनेर असार १७ गते बिहान स्थानीयहरुले जानकारी दिएपछि प्रहरी टोली घटनास्थल पुगेर पोष्टमार्टमका लागि शव टिकापुर अस्पताल ल्याइएको र तालिम प्राप्त कुकुर परिचालन गरी घटनाको अनुसन्धान भइरहेको इलाका प्रहरी कार्यालय, टिकापुरका डिएसपी नविन बुढाथोकीले इन्सेक प्रतिनिधिसँगको फोन सम्पर्कमा बताउनु भयो ।
इन्सेक प्रतिनिधिले मृतकका छोरा धिरेन्द्र शाहीठकुरीसँग फोन सम्पर्क गरी घटनाका बारेमा थप जानकारी लिन खोज्दा उहाँले घटनाका बारेमा भोली भेटेर जानकारी दिने बताउनु भयो ।