सदरमुकाम बेनीस्थित सरकारी अस्पतालमा पछिल्लो एक वर्षदेखि एम्बुलेन्स नहुँदा बिरामीहरू समस्यामा परेका छन् ।
अस्पतालको आफ्नै बा२झ ३१०१ नम्बरको एम्बुलेन्स १४ महिनादेखी बिग्रिएको हुनाले अहिलेसम्म मर्मत नगरी राखिएको छ ।
हामी चाँडो नयाँ एम्बुलेन्स ल्याउने प्रयास गरिरहेका छौं। टेन्डर समेत आह्वान गरियो, तर कोही सहभागी भएनन्। अहिले हामी दाताहरुलाई आग्रह गरिरहेका छौं मेडिकल सुपरिटेन्डेण्ट डा. रबिरञ्जन प्रधानले बताउनु भयो ।
अस्पतालको पुरानो एम्बुलेन्स २०७९ मा पहिलो पटक इन्जीन बिग्रिएको थियो। त्यसपछि मर्मत गरी प्रयोगमा ल्याउने प्रयास भएपनि समस्या समाधान हुन सकेको छैन। पछिल्लो केही महिना यता, उक्त एम्बुलेन्सलाई पार्कमा राखिएको छ ।
एम्बुलेन्सको अभावले बिरामीहरूलाई माथिल्लो अस्पताल लैजान र रिफर गर्न थप समस्या भएको बताइएको छ। एम्बुलेन्सको अभावले बिरामीहरूलाई माथिल्लो अस्पताल लैजान समस्या हुने गरेको बेनी नगरपालिका- ४ का गणेश पौडेलले बताउनु भयो ।
सरकार र अस्पताल प्रशासनले दाताहरूसँगको सहकार्य र थप प्रयासले चाँडो नयाँ एम्बुलेन्स ल्याउने आशा व्यक्त गरेका छन्। यद्यपि, आर्थिक र प्रक्रियागत जटिलताका कारण उक्त योजना अझै पूर्णरूपमा कार्यान्वयन हुन सकेको छैन।