फाकफोकथुम गाउँपालिका-३ सल्लेरीकी १९ वर्षीया युवती विमला कट्टेलको हराएको १५ दिनपछि गाडिएको अवस्थामा शव फेला परेको छ ।
हराएको १५ दिनपछि ०८१ चैत १४ गते युवतीको गाडिएको अवस्थामा शव फेला परेको जिल्ला प्रहरी कार्यालयका डिएसपी मानबहादुर राईले बताउनु भयो ।
फाकफोकथुम गाउँपालिकाको दुईधार्ने खोप दाहालगोलाई भनिने ठाँउमा विमलाको शव फेला परेको डिएसपी राईले बताउनु भयो । प्रहरीले कानुनी प्रक्रियाको पुरा गरी शव गरेर थप अनुसन्धान प्रक्रिया अघि बढाउने भएको छ ।
इलामको देउमाई नगरपालिका जीतपुर माइत घर भएकी विमला ०८१ चैत १ गते देखि बेपत्ता हुनु भएको थियो । विमलाका ससुरा कृष्णलाल गिरीले ०८१ चैत ४ गते प्रहरीमा बुहारी हराएको उजुरी दिएको प्रहरीले जनाएको छ ।
विमलाका २५ वर्षीय पति उमेश गिरीले पत्नीको हत्या गराएको हुन सक्ने आशङ्का गरिएको छ । पति उमेश गिरीलाई प्रहरीले चैत १५ गते गिरफ्तार गरेको छ ।
शवको पोष्टमार्टम जिल्ला अस्पतालमा चैत १५ गते गर्ने तयारी प्रहरीले गरेको छ ।