चार वर्षीया बालिकालाई यौन दुर्व्यवहार गरेको ठहर गर्दै जिल्ला अदालत मकवानपुरले हेटौँडा उमनपा-१२ का ५४ वर्षीय सानोकान्छा दाहाललाई १० वर्षकैद गर्ने फैसला सुनाएको छ ।
न्यायाधीश स्वीकृती पराजुलीको इजलाशले मङ्सिर १ गते उक्त फैसला सुनाएको हो । फैसलामा पीडितलाई २५ हजार रुपियाँ पीडक दाहालबाट क्षतिपुर्ति भराउन भनिएको छ ।
पीडित बालिकालाई दाहालले ०७३ चैत २१ गते यौन दुर्व्यवहार गरेको आरोपमा गाउँलेले दाहाललाई तत्कालै समातेर कारबाहीको निम्ति प्रहरीलाई बुझाएका थिए ।
जिल्ला अदालत मकवानपुरले दाहाललाई गत वैशाख १८ गते पुर्पक्षका लागि भीमफेदी कारागारमा थुनामा पठाएको थियो ।