१२ वर्षीया बालिकालाई बलात्कार गरेको कसुरमा जिल्ला अदालतले रम्भा गाउँपालिका–४ का ७५ वर्षीय पदमबहादुर खनाललाई १८ वर्ष कैद सजायको फैसला सुनाएको छ ।
जिल्ला अदालतका न्यायाधीश दलबहादुर केसीको ०८१ कात्तिक २७ गतेको इजलासले खनाललाई १८ वर्ष कैद सजाय र ७ लाख रुपियाँ जरिबाना भराउने फैसला गरेको जिल्ला अदालतका श्रेस्तेदार केशव पराजुलीले बताउनु भयो ।
खनालले पीडितलाई ०८० चैत ६ गते बलात्कार गरेको भन्दै पीडित पक्षले वैशाख १८ गते जिल्ला प्रहरी कार्यालयमा उजुरी दिएको थियो । खनाललाई प्रहरीले वैशाख १८ गते नै गिरफ्तार गरेको थियो । पीडितको स्वास्थ्य परीक्षण वैशाख १८ गते पाल्पा अस्पतालमा गरिएको थियो ।