१८ वर्षीया युवतीलाई बलात्कार गरेको कसुरमा बर्दिया जिल्ला अदालतले गेरुवा गाउँपालिका–३ का २५ वर्षीय बाबुराम सोनाहालाई नौ वर्ष कैद सजायको फैसला गरेको छ ।
जिल्ला अदालतका न्यायाधीश डल्लुराम चौधरीको ०८१ कात्तिक २६ गतेको इजालसले नौ वर्ष कैद सजाय, ५० हजार रुपियाँ क्षतिपूर्ति र १८ सय रुपियाँ पीडित राहत कोषमा भराउने फैसला गरेको अदालतका शाखा अधिकृत एवम् सूचना अधिकारी अमृता केसीले जानकारी दिनुभयो ।
युवतीलाई ०७५ माघ १३ गते बलात्कार गरेको भन्दै पीडित पक्षले माघ १३ गते इलाका प्रहरी कार्यालय, बानियाँभारमा उजुरी दिएको थियो । सजाय फैसला भएपछि सोनाहा फरार रहेका थिए । पीडितको स्वास्थ्य परीक्षण माघ १३ गते बर्दिया अस्पताल, गुलरियामा भएको थियो ।