१९ वर्षीया युवतीलाई अपहरण तथा शरीर बन्धक गरेको आरोपमा विजयनगर गाउँपालिका–४, वर्गदवाका २३ वर्षीय दिलीय नट भन्ने सफिक नट विरुद्ध जिल्ला प्रहरी कार्यालयमा ०८१ साउन २ गते उजुरी दर्ता भएको छ ।
पीडित युवतीलाई आरोपितले जेठ १३ गतेदेखि अपहरण तथा शरीर बन्धक गरेको भन्दै पीडितकी ७२ वर्षीय हजुर बुबाले जिल्ला प्रहरी कार्यालयमा उजुरी दिनुभएको थियो । घटनाका आरोपित फरार रहेकोले खोजी कार्य भइरहेको जिल्ला प्रहरी कार्यालयका डिएसपी हरिबहादुर वलीले जानकारी दिनुभयो ।