२५ वर्षीया महिलालाई बलात्कार गरेको आरोपमा गुराँस गाउँपालिका–४ मुग्राँका २१ वर्षीय धनबहादुर खड्कालाई प्रहरीले वैशाख ९ गते गिरफ्तार गरेको छ ।
गाउँकै जंगलमा वैशाख ६ गते बलात्कार गरेको आरोपमा पीडित पक्षको उजुरीका आधारमा गिरफ्तार गरिएको जिल्ला प्रहरी कार्यालयका सूचना अधिकारी इन्स्पेक्टर दिपक मगराठीले जानकारी दिनुभयो ।
पीडित महिलाको स्वास्थ्य परीक्षण वैशाख ९ गते जिल्ला अस्पतालमा भयो ।
जिल्ला अदालतबाट सात दिनको म्याद थप लिइ घटनाको अनुसन्धान थालिएको इन्स्पेक्टर मगराठीले बताउनुभयो ।