१४ वर्षीया बालिकालाई बलात्कार गरेको आरोपमा गैडहवा गाउँपालिका–८, ढोलाइका २० वर्षीय रामसुभाष लोधलाई प्रहरीले ०८० चैत १३ गते गिरफ्तार गरेको छ ।
पीडित बालिकालाई आरोपितले चैत १२ गते राति भाँडा माझ्दै गर्दा मुख थुनेर नजिकैको खेतमा लगेर बलात्कार गरेको भन्दै पीडितले चैत १३ गते इलाका प्रहरी कार्यालय, लुम्बिनीमा उजुरी दिनुभयो ।
पीडितले दिनुभएको सोही उजुरीको आधारमा आरोपितलाई गिरफ्तार गरी थप अनुसन्धान गरिरहेको इलाका प्रहरी कार्यालय, लुम्बिनीका इन्सपेक्टर कञ्चन तामाङ्घले इन्सेकलाई जानकारी दिनुभयो ।
पीडितको स्वास्थ्य परीक्षण चैत १३ गते भिम अस्पताल, भैरहवामा भयो ।