२२ वर्षीया महिलालाई बलात्कार गरेको आरोपमा शुभकालिका गाउँपालिका–४ का २६ वर्षीय परेक शाहीविरुद्ध पीडित पक्षले जिल्ला प्रहरी कार्यालयमा ०८० माघ १८ गते उजुरी दिनु भएको छ ।
पीडित महिलालाई आरोपितले मङ्सिर १५ गते ललाइ फकाइ भारतको बङ्गलोर पुर्याएर बलात्कार गरेको र त्यहाँबाटै बेचबिखन गर्न खोजेपछि आफ्न्तको सहारामा नेपाल आएर पीडितले उजुरी दिनु भएको हो ।
पीडितले आरोपित विरुद्ध उजुरी दिएपछि घटनाको अनुसन्धानका लागि आरोपितको खोजि भइरहेको जिल्ला प्रहरी कार्यालयका सूचना अधिकारी इन्स्पेक्टर पोषण थापाले जानकारी दिनुभयो ।
पीडित महिलाको स्वास्थ्य परीक्षण माघ १८ गते जिल्ला अस्पतालमा भएको छ ।