घरेलु हिंसा पीडित महिलाको न्यायिक प्रक्रियालाई सहज बनाउन इन्सेक सुदूरश्चिम प्रदेश कार्यालय, धनगढीले पुस १३ गते आर्थिक सहयोग प्रदान गरेको छ ।
गोदावरी नगरपालिका–१ की घरेलु हिंसा घटनाका पीडित ४० वर्षीया सोमतीदेवी वि.क.लाई इन्सेक सुदूरपश्चिम प्रदेश कार्यालय, धनगढीले न्यायिक प्रक्रियाका लागि आर्थिक सहयोग स्वरुप ८ हजार रुपियाँ प्रदान गरेको हो ।
पीडित महिलाले खानलाउन, मानाचामल तथा अंश मुद्दा जिल्ला अदालतमा दर्ता गर्नु भएको भए पनि आर्थिक अभावका कारण न्यायिक प्रक्रियामा समस्या देखिएको भन्दै एडभोकेसी फोरमका सुदुरपश्चिम प्रदेश संयोजक पुष्पबिक्रम शाही र वडा कार्यालयले इन्सेकलाई कानुनी प्रक्रियामा सहयोग गरि दिन सिफारिस गर्नु भएको थियो ।
आर्थिक अभावका कारण पीडितहरुले न्याय पाउनबाट वञ्चित हुन नपरोस् र पीडितको न्यायमा सहज पहुँच पुगोस् भन्नका लागि इन्सेकले मानव अधिकार सहायता कक्ष मार्फत आर्थिक सहयोग प्रदान गर्दै आएको इन्सेक सुदूरपश्चिम प्रदेश कार्यालयका प्रलेख अधिकृत अधिकृत कृष्णबहादुर विश्वकमाले बताउनु भयो ।
आर्थिक अभावका कारण कानुनी प्रक्रिया असहज भएको अवस्थामा इन्सेकले सहयोग गरेको भन्दै पीडित महिलाले इन्सेकलाई धन्यवाद दिनु भयो ।