फिदिम नगरपालिका–११ की नौ वर्षीया बालिका अस्मिता दर्जीलाई आत्महत्या दुरूत्साहन दिएको आरोपमा प्रहरीले सोही ठाँउकी २६ वर्षीया दमन्ता घिमिरेलाई साउन २२ गते गिरफ्तार गरेको छ ।
अस्मिता दर्जीलाई आरोपितले ०८० साउन २० गते कुटपिट गरेको र सोही दिन अस्मिताले झुण्डिएर आत्महत्या गरेपछि आरोपितविरूद्ध आत्महत्या दुरूत्साहन दिएको आरोपमा जिल्ला प्रहरी कार्यालयमा साउन २२ गते उजुरी दिएको बालिकाका ३६ वर्षीय बाबु रणबहादुर दर्जीले बताउनु भयो ।
आपसी विवादका क्रममा कुटपिट गरेपछि सोही दिन बहिनीले आत्महत्या गरेको र आरोपितविरूद्ध प्रहरीमा आत्महत्या दुरूत्साहन दिएको आरोपमा उजुरी दिएको मृतककी दिदी सङ्गीता दर्जीले बताउनु भयो ।
शवको पोष्टमार्टम जिल्ला अस्पतालमा साउन २२ गते गरिएको छ ।
पीडित पक्षले सोही दिन शव बुझी फिदिम नगरपालिका– ११ मा सद्गत गरेको छ ।