३७ वर्षीया महिलालाई जागिरको प्रलोभन देखाएर यौन कार्यमा लगाएको आरोपमा प्रहरीले देवदह नपा–६ का २५ वर्षीय सुस्मिता थापा मगरलाई वैशाख १७ गते देवदहबाटै गिरफ्तार गरेको छ ।
पीडितलाई ०७९ माघ १ गते राम्रो काम लगाइदिने भन्दै यौन कार्यमा लगाएको भन्दै भनी पीडितले मानव बेचबिखन तथा ओसारपसार कसुरमा वैशाख १७ गते जिल्ला प्रहरी कार्यालयमा उजुरी दिनुभयो ।
पीडितले दिएको उजुरीको आधारमा आरोपितलाई गिरफ्तार गरिएको र घटनामा सङ्लग्न ३२ वर्षीया शान्ति विक विरूद्ध उजुरी दर्ता गरेको जिल्ला प्रहरी कार्यालयका डिएसपी श्यामु अर्यालले बताउनु भयो ।
पीडितको स्वास्थ्य परीक्षण वैशाख १७ गते भीम अस्पताल भैरहवामा गरिएको छ ।