११ वर्षीया बालिकालाई बलात्कार गरेको कसुरमा जिल्ला अदालत चितवनकी न्यायाधीश निर्मला सुवेदीको इजलासले ०८० वैशाख १४ गते बालिकाको बुबालाई १८ वर्ष र हाडनातामा थप ४ वर्ष गरी २२ वर्ष कैद सजाय फैसला सुनाएको जिल्ला अदालतका श्रेष्तेदार इश्वर आचार्यले जानकारी दिनुभयो ।
साथै ६ लाख जरिवाना र २५ हजार रुपियाँ क्षतिपुर्ति भराउन समेत फैसलामा उल्लेख भएको श्रेष्तेदार आचार्यले बताउनु भयो ।
३१ वर्षीय बुबाले ०७९ वैशाख ६ गते बलात्कार गरेको भन्दै पीडितकी आमाले वैशाख १९ गते इलाका प्रहरी कार्यालय रत्ननगरमा उजुरी दिनुभएको थियो ।
पीडितकी बुबा वैशाख १९ गते घरबाट गिरफ्तार भएका थिए ।
बालिकाको स्वास्थ्य परीक्षण वैशाख १९ गते भरतपुर अस्पतालमा भयो ।
न्यायाधीश हेमन्त रावलको इजलासको आदेशबाट पीडितकी बुबा जेठ ११ पुर्पक्षका लागि थुनामा गएका थिए ।