बञ्चरो प्रहार गरेर पत्नीको हत्या घटनाका कसुरदार पञ्चदेवल विनायक नगरपालिका–७ पुल्लेतोला ४७ वर्षीय पति पैलु भनिने पदम कामीलाई जिल्ला अदालत, अछामले माघ १८ गते जन्मकैदको फैसला सुनाएको छ ।
जिल्ला न्यायाधीश पीताम्बर शर्माको एकल इजलाशले कसुरदार कामीलाई २५ वर्ष कैद र १ लाख रुपियाँ क्षतिपुर्तिको फैसला सुनाएको जिल्ला अदालतका नायब सुब्बा कमलप्रसाद ढुङ्गानाले बताउनु भयो ।
१ लाख रुपियाँ क्षतिपुर्ति मृतकका नजिकका हकदारले पाउने गरेर फैसला भएको समेत नायब सुब्बा ढुङ्गानाले बताउनु भयो ।
२०७९ साउन ११ गते राती ४५ वर्षीया पत्नी मान्म कामीलाई बञ्चारो प्रहार गरेर हत्या गरेका भन्दै पीडितका आफन्तले साउन १२ गते जिल्ला प्रहरी कार्यालयमा जानकारी गराएका थिए ।
शवको पोष्टमार्टम साउन १२ गते जिल्ला अस्पतालमा गरी आफन्तले शव बुझेर दाहसंस्कार गरेका थिए ।
हत्यापछि फरार रहेका अभियुक्तलाई कञ्चनपुर जिल्ला भीमदत्त नगरपालिकाको महेन्द्रनगर बजारको बसपार्कबाट जिल्ला प्रहरी कार्यालय, कञ्चनपुरको सहयोगमा ०७९ साउन २४ गते गिरफ्तार गरेको थियो ।
प्रहरीले सरकारी वकिल कार्यालयमार्फत भदौ १४ गते कर्तव्य ज्याद मुद्दा जिल्ला अदालत, अछाममा दर्ता गरेकोमा जिल्ला अदालतले आरोपितलाई भदौ १६ गते पुर्पक्षका लागि थुनामा पठाएको थियो ।