१४ वर्षीया बालिकालाई यौन दुर्व्यवहार गरेको आरोपमा झापाको भद्रपुर नगरपालिका–२ घर भई हाल काठमाडौँ महानगरपालिका–२ लाजिम्पाटमा बस्दै आएका ३८ वर्षीय राजु आले मगरलाई प्रहरीले पुस २३ गते सोही ठाउँबाट गिरफ्तार गरेको छ ।
पीडितलाई पुस २२ गते घुमाउने बहानामा ललाई फकाई यौन दुर्व्यवहार गरेको भन्दै आरोपित विरुद्ब पीडितका आफन्तले पुस २३ गते प्रहरी वृत्त दरबारमार्गमा उजुरी दिएका थिए ।
पीडित पक्षको उजुरीको आधारमा आरोपितलाई गिरफ्तार गरी घटनाको बारेमा अनुसन्धान भईरहेको जिल्ला प्रहरी परिसर काठमाडौँको महिला, बालबालिका तथा जेष्ठ नागरिक सेल कालिमाटीका इन्स्पेक्टर सपना खड्काले बताउनुभयो ।
पीडितको स्वास्थ्य परीक्षण पुस २३ गते थापाथली स्थित प्रसुती गृह अस्पतालमा गरिएको छ ।