मङ्सिर ४ गते हुने प्रतिनिधिसभा सदस्य र प्रदेशसभा सदस्य निर्वाचन ०७९ का लागि मोरङ क्षेत्र न. ३ को प्रदेशसभा १, मा नेपाली कांग्रेसका मानबहादुर लिम्बूले मनोनयन दर्ता गराउनु भएको छ ।
लिम्बुले समर्थकसहित कात्तिक २४ गते मनोनयन दर्ता गराएको निर्वाचन अधिकृत रामहरि शर्माले बताउनु भयो ।
०७९ असोज २४ गते मनोनयन दर्ता गराउनु भएका उम्मेदवार शेखरचन्द्र थापाको उपचारका क्रममा कात्तिक २३ गते मृत्यु भएपछि निर्वाचन आयोगले असोज २४ गतेका लागि मनोनयन दर्ताको समय तोकेको थियो ।
बेलबारी नगरपालिका–८ का ५२ वर्षीय मानबहादुर लिम्बूले मोरङ क्षेत्र न.३ प्रदेशसभा १ का लागि मनोनयन दर्ता गराएको बताउनु भयो ।
यसअघिका उम्मेदवारको मृत्य भएपछि निर्वाचन आयोगले रिक्त रहेको उम्मेदवारको ठाउँमा अर्का उम्मेदवारको मनोनयन दर्ता गर्न कांग्रेसलाई कात्तिक २४ गते दिउँसो १ बजेसम्मको समय दिएको थियो ।
मोरङ क्षेत्र न. ३ को प्रदेशसभा १ का उम्मेदवार तथा प्रदेश १ का वन, वातावरण तथा भू–संरक्षणमन्त्री शेखरचन्द्र थापाको कात्तिक २३ गते मृत्यु भएको सूचना पुगेपछि आयोगले निर्वाचनको नयाँ तालिका बनाएर कात्तिक २४ गते मनोनयन दर्ता गराएको हो ।
कात्तिक २५ गते दिउँसो १ बजेसम्मको समयका लागि नाम फिर्ता र अपरान्ह ५ बजे अन्तिम नामावली प्रकाशन गरिने निर्वाचन अधिकृतको कार्यालयले जनाएको छ ।
