गौरादह नगरपालिका–८ का १५ वर्षीय बालक हेमराज साहलाई गोली प्रहार गरी हत्या प्रयास घटनाका आरोपितले आँफैलाई गोली प्रहार गरी आत्महत्या गरेको प्रहरीले जनाएको छ ।
घरायसी विवादका क्रममा ३५ वर्षीय काका वीरेन साहले १५ वर्षीय भतिज हेमराजलाई कात्तिक १ गते साँझ गोली प्रहार गरी हत्या प्रयास गरेको जिल्ला प्रहरी कार्यालयका एसपी विश्वमणि पोखरेलले बताउनु भयो ।
भतिजलाई गोली प्रहार गरेपछि वीरेनले घटनास्थल भन्दा केही पर गएर आँफैलाई गोली प्रहार गरी आत्महत्या गरेको प्रहरीको भनाइ छ ।
घरायसी विवादका क्रममा गोली चलाएको हुन सक्ने प्रहरीले जनाएको छ ।
पिठ्यूमा गोली लागेका घाइते बालकको विर्तामोडस्थित बि एण्ड सी अस्पतालमा उपचार भइरहेको छ ।
शवको पोष्टमार्टमका लागि मेची अस्पतालमा राखिएको छ ।