१४ वर्षीया बालिकालाई बलात्कार गरेको आरोपमा मिथिला नपा–९ बस्ने ५९ वर्षीय सोमबहादुर घिसिङलाई साउन १३ गते गिरफ्तार गरेको इलाका प्रहरी कार्यालय ढल्केवरका इन्स्पेक्टर रामसागर सिंंहले बताउनु भएको छ ।
आरोपितविरुद्ध पीडित पक्षले इलाका प्रहरी कार्यालय ढल्केवरमा साउन १२ गते उजुरी दिएको थियो ।
पीडित बालिकाको स्वास्थ्य परीक्षण साउन १३ गते प्रादेशिक अस्पताल जनकपुरमा गरिएको छ ।
खर्साङ्गे डाँडाको सामुदायिक वनमा बाख्रा चराउन गएकी ती बालिकालाई ०७९ वैशाख ५ गते आरोपित घिसिङले ललाइफकाई बलात्कार गरेको पीडितले आरोप लगाइन् ।
पीडित बालिकालाई आरोपित घिसिङले डर, धाकधम्की देखाउँदै पटक–पटक बलात्कार गर्दै आएको पीडित पक्षले दिएको उजुरीमा उल्लेख छ ।