३६ वर्षीया महिलालाई बलात्कार गरेको आरोपमा धनुषा जिल्ला घर भई हरिपुर नगरपालिका–२ क्याम्पस चोक बस्ने ४२ वर्षीय राकेश महतोविरुद्ध चलेको मुद्दामा सर्लाही जिल्ला अदालतले असार २० गते मुल्तबीमा राख्ने फैसला गरेको छ ।
जिल्ला अदालतमा ०७७ चैत १३ गते दायर भएको मुद्दामा जिल्ला न्यायाधिश ध्रुवकुमार पियाको इजलासले मुल्तबीमा राख्ने फैसला भएको जिल्ला अदालतका स्रेस्तेदार विश्वनाथ आर्यालले जानकारी दिनु भयो ।
पीडित महिलालाई आरोपित महतोले ०७७ माघ २८ गते बलात्कार गरेको भन्दै पीडित पक्षले इलाका प्रहरी कार्यालय हरिपुरमा फागुन ७ गते उजुरी दिएको थियो । इलाका प्रहरी कार्यालय हरिपुरले ०७७ फगुन ९ गते उजुरी दर्ता गरेको थियो ।
पीडित महिलाको स्वास्थ्य परीक्षण ०७७ फागुन ९ गते जिल्ला अस्पताल मलङ्गवामा गरिएको थियो ।