अनौपचारिक क्षेत्र सेवा केन्द्र (इन्सेक) ले आगामी वैशाख ३० गते स्थानीय तह निर्वाचन २०७९ पर्यवेक्षकहरूका लागि काठमाडौँमा वैशाख १९ गते एक दिने अभिमूखीकरण तालिम सञ्चालन गरेको छ ।
कार्यक्रममा स्वागत गर्दै इन्सेकका कार्यकारी निर्देशक विजयराज गौतमले स्वच्छ निर्वाचनका लागि पर्यवेक्षकले स्वतन्त्र र निश्पक्ष भूमिका निर्वाह गर्नु पर्ने बताउनु भयो ।
कार्यक्रममा बोल्दै इन्सेकका अध्यक्ष डा. इन्दिरा श्रेष्ठले निर्वाचन पर्यवेक्षकहरूले निर्वाचनका क्रममा हुने आचारसंहिता उल्लङ्घनका घटनालाई सुक्ष्म रूपले अनुगमन गर्दै अभिलेखीकरण गर्नुपर्ने उल्लेख गर्नुभयो ।
निर्वाचनलाई स्वच्छ, स्वतत्र, भयरहित र मर्यादित बनाउन पर्यवेक्षकहरूको अहम् भूमिका रहने भएकाले उहाँले पर्यर्यवेक्षहरूले निष्पक्षरूपले पर्यवेक्षण गर्नुपर्ने र सबैसँग अनुशासित र सुमधुर सम्बध कायम गर्नुपर्ने बताउनुभयो ।
इन्सेकका कार्यकारी निर्देशक विजयराज गौतमले इन्सेकले देशका ७७ जिल्लाका २ सय भन्दा बढी स्थानीय तहको निर्वाचनको पर्यवेक्षण गर्ने जानकारी दिनु भयो ।
उहाँले २ सय भन्दा बढी पर्यवेक्षक इन्सेकले स्थानीय निर्वाचन २०७९ को पर्यवेक्षणका लागि परिचालन गरेको र इन्सेकको विश्वासनीयता कायम राख्न पर्यवेक्षक निर्वाचन आचारसंहितको पूर्ण पालना गर्न निर्देशन दिनु भयो ।
निर्वाचन आचारसंहिता, निर्वाचनमा इन्सेकसम्बद्ध पर्यवेक्षकहरूको काम कर्तव्य र अधिकारलगायतका विषयमा इन्सेक केन्द्रीय कार्यालयका रमेशप्रसाद तिमल्सिना र आर्जु कार्कीले पर्यवेक्षणको अवधारणा, पर्यवेक्षकहरूको भूमिका तथा पर्यवेक्षणको महत्वलगायतका विषयमा सहजीकरण गर्नु भएको थियो ।
तालिममा काठमाडौँ, भक्तपुर र ललितपुर जिल्ला प्रतिनिधिका सहित उपत्यका भित्रका ६० जना पर्यवेक्षकको सहभागिता रहेको थियो ।
इन्सेकले देशभरमा २ सय ३० जना पर्यवेक्षकमार्फत स्थानीय तह निर्वाचनको पर्यवेक्षण गर्दैछ ।
