रामेछाप नगरपालिका–८ भँगेरीकी २८ वर्षीया पत्नी नम्रता श्रेष्ठलाई ३७ वर्षीय पति प्रकाश श्रेष्ठले ०७८ फागुन २२ गते धारिलो हतियार प्रहार गरी घाइते तुल्याएका छन् ।
पत्नीलाई घाइते बनाएका श्रेष्ठले आफ्नो समेत घाँटी रेटेर घाइते भएका छन् ।
मादक पदार्थ सेवन गरेका श्रेष्ठले घरायसी विवादमा पत्नीको घाँटी रेट्ने प्रयास गर्दा घाइते भएको जिल्ला प्रहरी कार्यालय रामेछापका इन्सपेक्टर तेजप्रसाद कँडेलले जानकारी दिनुभयो ।
पत्नीलाई हतियार प्रहार गरेका श्रेष्ठले आफ्नै घाँटी रेट्ने प्रयास गरेका थिए । घाँटीमा चोट लागेका दुवैजनाको जिल्ला अस्पताल रामेछापमा उपचार भइहेको छ ।