भारतमा जोखिमपूर्ण काममा हिडेका दैलेख जिल्ला ठाटिकाँध गाउँपालिका–३ का १५ वर्षीय राजेश विकलाई मङ्सिर २१ गते इन्सेकको पहलमा प्रहरीले प्रहरीले उद्वार गरेको छ ।
भारत जानका लागि घरबाट भागेर हिडेको बालकका आफन्तले इन्सेक कर्णाली प्रदेशमा बालकको खोजी गरी उद्वार गरिदिन मङ्सिर २१ गते मौखिक जानकारी गराएका थिए । इन्सेक कर्णली प्रदेश र इन्सेक लुम्बिनी प्रदेशको समन्वय पछि जिल्ला प्रहरी कार्यालयको सहयोगमा बालकको उद्वार गरी आफन्तको जिम्मा लगाइएको छ ।
इन्सेक जिल्ला प्रतिनिधिको समन्वयमा बालकलाई नेपालगञ्ज उप–महानगरपालिका–४ को दैलेख बम होटेल बाट उद्वार गरिएको थियो ।
भारतमा काम गर्न भनेर साथीहरूसँग भागेर नेपालगञ्ज आएको इन्सेक बाँके प्रतिनिधिसँगको भेटमा राजेशले बताउनु भयो ।
जिल्ला प्रहरी कार्यालयका इन्स्पेक्टर इश्वरदेव गिरीले बालकलाई आफन्त ३८ वर्षीया धना रोकायलाई जिम्मा लगाएर पठाएको बताउनु भयो ।