१८ वर्षीया युवतीलाई बलात्कार गरेको आरोपमा नुवाकोट जिल्ला, बिदुर नगरपालिका–१ घर भई हाल काठमाडौँ महानगरपालिका–१६ माछापोखरीमा डेरा गरी बस्ने ३६ वर्षीय दिनेश विश्वकर्मालाई प्रहरीले कात्तिक ४ गते गिरफ्तार गरेको छ ।
पीडित युवतीलाई आरोपितले कात्तिक ३ गते बलात्कार गरेको आरोपमा पीडित पक्षले आरोपितविरूद्ध कात्तिक ४ गते महानगरीय प्रहरी वृत्त बालाजुमा उजुरी दिएको थियो ।
पीडित पक्षबाट उजुरी प्राप्त हुनासाथ महानगरीय प्रहरी वृत्त बालाजुबाट खटिएको प्रहरीले आरोपित विश्वकर्मालाई गिरफ्तार गरेको वृत्तका डिएसपी निर्मल बुढाथोकीले जानकारी दिनुभयो ।
घटनाको सम्बन्धमा प्रहरीले जिल्ला अदालत काठमाडौँबाट कात्तिक ४ गते पाँच दिनको म्याद थप गरी अनुसन्धान गरिरहेको डिएसपी बुढाथोकीले बताउनुभयो ।
पीडित युवतीको स्वास्थ्य परीक्षण थापाथलीस्थित प्रसूति गृहमा कात्तिक ४ गते गरिएको छ ।