१३ वर्षीया बालिकालाई यौन दुर्व्यवहार गरेको आरोपमा पीडित पक्षले खार्पुनाथ गाउँपालिका–२ थालीका १८ वर्षीय सुरेश रावल विरूद्ध जिल्ला प्रहरी कार्यालयमा उजुरी दिएको छ ।
बालिकालाई भदौ १६ गते यौन दुर्व्यवहार गरेकोले सोहि दिन आरोपित विरूद्ध जिल्ला प्रहरी कार्यालयमा उजुरी दिएको पीडित बालिकाका बुवाले इन्सेक प्रतिनिधिलाई बताउनु भयो ।
उजुरीको आधारमा आरोपितलाई भदौ १७ गते गाउँबाटै गिरफ्तार गरेको जिल्ला प्रहरी कार्यालयका डिएसपी हेरम्ब शर्माले बताउनु भयो ।
पीडित बालिकाको स्वास्थ्य परीक्षण भदौ १८ गते जिल्ला अस्पताल हुम्लामा गरिएको डाक्टर टसि लामाले जानकारी दिनु भयो ।