१२ वर्षीया बालिकालाई बलात्कार गरेको कसुरमा जिल्ला अदालतले भिमाद नगरपालिका–८ का ७५ वर्षीय भुपाल शाहीलाई १९ वर्ष कैद सजायको फैसला सुनाएको छ ।
न्यायाधीश हरिश्चन्द्र ढुङ्गानाको भदौ १७ गतेको इजलासले कसुर ठहर गर्दै १९ वर्ष कैद र एक लाख रुपियाँ क्षतिपूर्तिको फैसला गरेको जिल्ला अदालतका श्रेस्तेदार मिनबहादुर कुँवरले बताउनुभयो ।
पीडितलाई आरोपितले ०७७ साउन २ गते बलात्कार गरेको भन्दै पीडित पक्षले आरोपितविरूध्द साउन ३ गते जिल्ला प्रहरी कार्यालयमा तनहुँमा उजुरी दिएका थिए ।
पीडित पक्षको उजुरीपछि प्रहरीले आरोपितलाई साउन ५ गते गिरफ्तार गरेको थियो ।
जिल्ला अदालत तनहुँकाे आदेशले आरोपित ०७७ साउन १६ गतेदेखि पुर्पक्षको लागि थुनामा थिए ।