त्रिवेणी गाउँपालिका–४ का ३० वर्षीय ताराप्रसाद वलीले बलात्कार गरेको आरोप लगाउने २७ वर्षीया महिलालाइ जिल्ला अदालत सल्यानले असार २२ गते १ दिन कैद र ५ सय रुपैयाँ जरिबाना सजायको फैसला सुनाएको छ ।
न्यायाधीश कुलप्रसाद पाण्डेको इजलासले झुठा आरोप लगाएको भन्दै पीडित भनिएकी महिलालाई सजाय स्वरूप फैसला सुनाएको श्रेस्तेदार हेमन्त ज्ञवालीले जानकारी दिनुभयो ।
महिलाले पुरानो रिसिइबीका कारणले गलत आरोप लगाएको बयानबाट खुल्न आएपछि अदालतले ती महिलालाइ नै सजायको फैसला सुनाएको श्रेस्तेदार ज्ञवालीले जानकारी दिनुभयो ।
०७७ असोज १ गते महिलाको घरमै आएर बलात्कार गरेको भनी दिएको उजुरीका आधारमा प्रहरीले आरोपितलाई असोज ९ गते गिरफ्तार गरेको जिल्ला प्रहरी कार्यालयका डिएसपी गोविन्द थापाले जानकारी दिनुभयो ।