१७ वर्षीया बालिकालाई बलात्कार भएको भन्दै गुराँस गाउँपालिका–२ तल्लोडुंगेश्वरका २१ वर्षीय नगेन्द्र कार्कीबिरूद्ध पीडित पक्षले जिल्ला प्रहरी कार्यालय दैलेखमा जेठ २५ गते उजुरी दर्ता गराएको छ ।
आरोपितले बालिकालाई जेठ २४ गते बलात्कार गरेको भन्दै उजुरी दर्ता गराएको र आरोपित फरार भएकोले खोजी गरिरहेको जिल्ला प्रहरी कार्यालयका इन्स्पेक्टर इन्द्रजीत सुनारले जानकारी दिनुभयो ।
पीडित बालिकाको स्वास्थ्य परीक्षण जेठ २५ गते जिल्ला अस्पतालमा भएको अस्पतालका डा. सविना दाहालले जानकारी दिनुभयो ।