पाँच वर्षीया बालिकालाई बलात्कार गरेको आरोपमा प्रहरीले सप्तरी जिल्ला, शम्भूनाथ नगरपालिका–२, घर भई गोदावरी नगरपालिका–३, मोतिचौर बस्ने २० वर्षीय राम आशिस सदालाई जेठ १८ गते गिरफ्तार गरेको छ ।
पीडित बालिकालाई आरोपितले जेठ १६ गते बलात्कार गरेको भन्दै जेठ १७ गते पीडित पक्षले महानगरीय प्रहरी वृत्त सातदोबाटोमा उजुरी दिएको थियो ।
घटनापछि बालिकाले आमाबुबालाई जानकारी दिएपछि उजुरी परेको र सोही आधारमा आरोपितलाई अनुसन्धानका लागि गिरफ्तार गरिएको महानगरीय प्रहरी परिसर जावलाखेलका प्रवक्ता एवम् एसपी प्रज्वल महर्जनले जानकारी दिनुभयो ।
पीडित बालिकाको स्वास्थ्य परीक्षण जेठ १८ गते पाटन अस्पतालमा गरिएको छ ।