हेलम्बु गाउँपालिका–१ हेलम्बुकी ३९ वर्षीया सुम्जी तामाङको कुटपिट गरी हत्या गरेको अरोपमा पति ३९ वर्षीय फुरछेवाङ तामाङलाई प्रहरीले चैत ११ गते लुकिछिपि बसेको अवस्थामा स्थानीय जङ्गलबाट गिरफ्तार गरेको छ ।
आरोपितले चैत ८ गते बेलुका पत्नीलाई लात्ती, मुक्का र लाठी प्रहार गरी हत्या गरेको र हत्यापछि स्थानीय दोरिङ सामुदायीक जङ्गलमा लगि फालेको अवस्थामा चैत ९ गते शव फेला परेको जिल्ला प्रहरी कार्यालयका डिएसपी प्रकाश सापकोटाले बताउनु भयो ।
आरोपितविरुद्ध चैत ९ गते पीडितका छोराले इलाका प्रहरी कार्यालय हेलम्बुमा किटानी उजुरी दिएको डिएसपी सापकोटाले बताउनु भयो ।
पीडितको चैत ९ गते नै प्राथमिक स्वास्थ्य केन्द्र मेलम्चीमा पोष्टमार्टम गरी आफन्तले शवको दाह संस्कार गरेको डिएसपी सापकोटाले जानकारी दिनु भयो ।