भद्रपुर नगरपालिका–७ स्थायी घर भइ सोही नगरपालिका–१० बुधकरण चिया बगान क्वाटरमा बस्दै आउनु भएकी ६० वर्षीया फिल्सीता उराउको हत्या गरेको आरोपमा प्रहरीले ५८ वर्षीय पति साहेवा उराउलाई फागुन ४ गते गिरफ्तार गरेको छ ।
पीडितलाई घरायसी विवादका क्रममा आरोपितले फागुन ३ गते ढुङ्गा प्रहार घाइते बनाएको आरोपमा पीडित पक्षले आरोपितविरूद्ध सोही दिन जिल्ला प्रहरी कार्यालयमा मौखिक उजुरी दिएको थियो ।
पीडितको उपचारका क्रममा मेची अस्पताल भद्रपुरमा फागुन ४ गते मृत्यु भएपछि आरोपितलाई अनुसन्धानका लागि गिरफ्तार गरेको जिल्ला प्रहरी कार्यालयका डिएसपी राकेश थापाले इन्सेक प्रतिनिधिसँगको फोन सम्पर्कमा बताउनु भयो ।
शवको पोष्टमार्टम मेची अस्पतालमा फागुन ४ गते गरी शव पीडित पक्षलाई जिम्मा लगाएको डिएसपी थापाले बताउनु भयो ।