३१ वर्षीया महिलालाई कथित बोक्सी भन्दै कुटपिट गरेको आरोपमा प्रहरीले गढवा गाउँपालिका–५ का ४३ वर्षीय तिलकराम चौधरीलाई मङ्सिर १८ गते गिरफ्तार गरेको छ ।
पीडितलाई आरोपितले मङ्सिर १५ गते कथित बोक्सी आरोपमा कुटपिट गरेको भन्दै पीडितपक्षले मङ्सिर १६ गते इलाका प्रहरी कार्यालय गढवामा उजुरी दिएका थिए । कथित बोक्सी भन्दै मार्ने धम्कीसमेत दिएको पीडितले बताउनु भयो ।
बोक्सी लागेर छोरालाई बिरामी बनाएको भन्दै पीडितको घरमा गएर कुटपिट गरेको उजुरी आएको इलाका प्रहरी कार्यालय, गढवाका इन्स्पेक्टर राजकुमार भट्टले बताउनु भयो । कुटपिटबाट महिलाको कान र दाहिने हातमा चोट लागेको छ ।
पीडितको उपचार मङ्सिर १५ गते स्थानीय मेडिकलमा गरिएको थियो ।