नौ वर्षीया बालिकालाई यौन दुर्व्यवहार गरेको आरोपमा प्रहरीले धादिङ गंगाजमुना गाउँपालिका–६ घर भइ हाल पोखरा महानगरपालिका–१९ लामाचौर बस्ने ३२ वर्षीया विकास विकलाई भदौ ३१ गते गिरफ्तार गरेको छ ।
पीडितलाई आरोपितले भदौ ३० गते ललाई फकाई गरी एकान्त स्थानमालगि दुर्व्यवहार गरेको भन्दै पीडित पक्षले आरोपितविरुद्ध भदौ ३१ गते जिल्ला प्रहरी कार्यालय कास्कीमा उजुरी दिनुभएको थियो ।
पीडित पक्षको उजुरीपछि आरोपितलाई लामाचौरबाट गिरफ्तार गरिएको जिल्ला प्रहरी कार्यालय कास्कीका डिएसपी सुवास हमालले इन्सेक प्रतिनिधिलाई जानकारी दिनुभयो ।
उहाँले आरोपितविरुद्ध बाल यौन दुरुपयोग कसुरमा जिल्ला अदालत कास्कीबाट भदौ ३१ गते १० दिन म्याद थप गरी अनुसन्धान अगाडी बढाइएको बताउनुभयो ।
पीडितको स्वास्थ्य परीक्षण भदौ ३१ गते पोखरा स्वास्थ्य विज्ञान प्रतिष्ठानमा गरिएको छ ।