१९ वर्षीया युवतीलाई बलात्कार गरेको कसुरमा जिल्ला अदालतले मेचीनगर नगरपालिका–१० का २४ वर्षीय वासुदेव शर्मालाई फागुन १६ गते सात वर्ष कैद सजायको फैसला सुनाएको छ ।
न्यायधीश सन्तोषप्रसाद पराजुलीको इजलासले कैद सजायसँगै कसुरदारबाट ५० हजार रुपियाँ जरिबाना भराउन आदेश भएको छ ।
आरोपितले ०७६ जेठ १२ गते बलात्कार गरेको आरोपमा पीडित पक्षले आरोपित विरूद्ध जेठ १६ गते जिल्ला प्रहरी कार्यालयमा उजुरी दिएका थिए ।
प्रहरीले आरोपितलाई जेठ १६ गते गिरफ्तार असार ४ गते जिल्ला अदालतमा बलात्कार शीर्षकमा मुद्दा दर्ता गरी कारबाही अघि बढाएको थियो ।
अदालतको असार ५ को आदेशमा आरोपित पुर्पक्षका लागि थुनामा रहेका थिए ।
पीडित युवतीको स्वास्थ्य परीक्षण मेची अस्पतालमा जेठ १६ गते गरिएको थियो ।