नेत्रबिक्रम चन्द (विप्लव) नेतृत्वको प्रतिबन्धित नेपाल कम्युनिष्ट पार्टीका जिल्ला सदस्य मुसिकोट नगरपालिका–८ का ४२ वर्षीय गोबिन्द बिक ‘आकाश’लाई पार्टी परित्यागपछि जिल्ला प्रशासन कार्यालयले माघ २२ गते रिहा गरेको छ ।
बिकले माघ २२ गते प्रेस वक्तव्य मार्फत पार्टीका कुनै पनि क्रियाकलापमा सहभागिता नजनाउने र साधारण जीवनयापन गर्ने जनाए पछि रिहा गरिएको निमित्त प्रमुख जिल्ला अधिकारी उद्धव पन्थीले बताउनु भयो ।
प्रहरीले बिकलाई माघ १२ गते रेसुङ्गा नगरपालिका– २ जीपपार्कबाट गिरफ्तार गरेको थियो ।