विभिन्न क्षेत्रका मानिसहरूलाई धम्की दिँदै पैसा उठाउँदै आएको आरोप लागेका धादिङको सेमजोङका ३१ वर्षीय साजन गुरुङ (नचोक) लाई प्रहरीले भदौ २७ गते गोली प्रहार गरी गिरफ्तार गरेको छ ।
काठमाडौँको गोलढुङ्गामा गिरफ्तार गर्ने क्रममा प्रहरीमाथि गुरुङले गोली चलाएपछि प्रहरीले उनको दुवै गोडामा गोली चलाएर गिरफ्तार गरेको महानगरीय अपराध महाशाखाका एसएसपी सहकुलबहादुर थापाले जानकारी दिए ।
गुरुङको साथबाट एक थान कटुवा पेस्तोल र दुई राउण्ड गोलीसमेत बरमद गरिएको प्रहरीले जनाएको छ । उनको उपचार भदौ २७ गतेदेखि नै काठमाडौँको टिचिङ अस्पतालमा भइरहेको छ ।