पलाँता गाउँपालिका–९ मा राष्ट्रपति रनिङ शिल्डको उद्घाटन गर्न पुगेका कर्णाली प्रदेशका मुख्यमन्त्री महेन्द्रबहादुर शाहीलाई लक्षित गरी नेत्रविक्रम चन्द (विप्लव) नेतृत्वको नेकपाका कार्यकर्ताहरुले जेठ १५ गते बम विष्फोट गराएका छन् । विष्फोटबाट मानवीय क्षति भने नभएको प्रहरीले जनाएको छ ।
गणतन्त्र दिवसमा जिल्लास्थित राष्ट्रपति रनिङ शिल्डको उद्घाटन गर्न पलाताको हेलिकप्टरमा थिर्पू पुगेका मुख्यमन्त्री शाहीलाई उक्त पार्टीका कार्यकर्ताले बम विष्फोट गराएको जानकारी आएको कालिकोटका प्रमुख जिल्ला अधिकारी चन्द्रबहादुर कार्कीले जानकारी दिए ।
कार्यक्रम उद्घाटन सकेर हेलिकप्टरबाट फर्कनै लाग्दा झण्डै ८ सय मिटर टाढाको दुरीमा बम विष्फोट गराएको प्रमुख जिल्ला अधिकारी कार्कीले जानकारी दिए ।
बम विष्फोटको घटनामा संलग्न आरोपितको खोजी कार्य जारी रहेको जिल्ला प्रहरी कार्यालय कालिकोटका डिएसपी विनोद शर्माले जानकारी दिए ।