व्यास गाउँपालिका–५ की ११ महिने छोरी अनुस्का विष्टलाई वैशाख २६ गते राति आगो लगाई हत्या गरेको आरोपमा प्रहरीले २२ वर्षीय बुबा नविन विष्ट र १९ वर्षीया आमा शिला विष्टलाई वैशाख २७ गते गिरफ्तार गरको छ ।
घर नजिकै रहेको खरमा आगो लगाएर छोरीको हत्या गरेको जिल्ला प्रहरी कार्यालयका इन्स्पेक्टर हिक्मत बोहराले जानकारी दिए ।
छोरीको हत्यापछि भाग्न लागेका दुवै जनालाई स्थानीयको सहयोगमा राति नै नियन्त्रणमा लिइएको वडा अध्यक्ष मङ्गलसिह धामीले बताए ।
उनले भने–‘खरमा आगो लगाएर बच्चाको हत्या गरेको रहेछ । भाग्न खोज्दा स्थानीयसहित हामी मिलेर समातेर राख्यौँ ।’ शवको पोष्टमार्टम वैशाख २७ गते जिल्ला अस्पतालमा गरिएको छ ।