नेत्रविक्रम चन्द (विप्लव) नेतृत्वको नेपाल कम्युनिष्ट पार्टीका जुम्ला सेक्रेटरी वीरबहादुर कठायतलाई प्रहरीले वैशाख २ गते गिरफ्तार गरेको छ ।
उनलाई कलङ्कीस्थित एक घरमा लुकेर बसेको अवस्थामा महानगरीय प्रहरी अपराध महाशाखाले गिरफ्तार गरेको महानगरीय प्रहरी अपराध महाशाखाका एसपी सोमेन्द्रसिंह राठोरले जानकारी दिए ।
कठायतलाई नख्खुस्थित एनसेलको मुख्य कार्यालयमा र बसुन्धरामा बम राखेको आरोपमा गिरफ्तार गरिएको एसपी राठोरले बताए ।
कठायतका साथबाट तीन राउण्ड गोली, चन्दा रसिद र पार्टीका पर्चा बरामत गरिएको प्रहरीले जनायो । ०७५ फागुन १० गते एनसेलको कार्यालयमा भएको विष्फोटबाट एक जनाको मृत्यु भएको थियो ।